Kearndoel 3: Frysk prate en skriuwe
De learling praat en skriuwt Frysk ôfstimd op publyk, doel en kontekst. It giet dêrby om:
- formulearje fan gedachten, ideeën, ynsichten en ûnderfiningen yn it Frysk yn sprutsen, skreaune en multymediale teksten passend by in bekend publyk, werkenbere kontekst, en kommunikatyf doel: ynformearje, amusearje, ynstruearje of oertsjûgje;
- fersteanber Frysk prate;
- brûke fan ienfâldige Fryske staverings- en grammatikaregels;
- reflektearje op en revisearje fan produsearre teksten op ynhâld en foarm;
- tapasse fan ferteltechniken, kennis oer teksten, tekststruktueren, skriftkonvinsjes, taalfersoarging en tekstopmaak yn de eigen Fryske sprutsen, skreaune en multymediale teksten.
Kearndoel 4: Ynformaasje ferwurkje út Fryske boarnen
De learling ferwurket ynformaasje út ferskate Frysktalige boarnen yn in sprutsen, skreaune of multymediale tekst. It giet dêrby om:
- begripe fan oanrikte Fryske boarnen en ferbannen lizze mei oare (Fryske) boarnen, eigen ûnderfinings en mei kennis fan de wrâld;
- ynsette en fergrutsje fan eftergrûnkennis en Fryske wurdskat;
- ferwurkje fan opdiene kennis, ynsichten en mieningen yn ienfâldige sprutsen, skreaune en multymediale teksten;
- tapasse fan feardigens om boarnen te beoardieljen en te analysearjen en ynformaasje te ferlykjen en ferwurkjen;
- tapasse fan petearfeardigens om ta kennisopbou en begryp te kommen.
Kearndoel 10: Fryske skiednis, geografy en kultuer
De learling ferkent de skiednis, geografy en kultuer fan Fryslân. It giet dêrby om:
- beskriuwe fan wichtige histoaryske Fryske persoanen en foarfallen yn Fryslân;
- beneame (of beskriuwe) fan geografyske skaaimerken yn de eigen libbensomjouwing en fan Fryslân;
- beneame (of beskriuwe) fan materieel en ymmaterieel kultureel erfgoed fan Fryslân;
- ferkenne fan ferbannen tusken skiednis, geografy en kultureel erfgoed fan Fryslân.
